" أجمل مكان "
قالى بحبك والغريبه .. إنه عارفنى من يومين
ودى تبقى جرأه ولا طيبه .. ولا جنون العاشقين
مسك إيديا وقالى شوفى .. إنتى عملتى فى قلبى إيه
فضلت ساكته من كسوفى .. مابقيتش عارفه اقوله ايه
يا سلام يا سلام .. ده ولا الأحلام .. وحبيبى أوام غيرلى حالى
يا سلام يا سلام .. خد قلبى معاه .. وهعيش وياه طول الليالى
سرحت فى عيونه ثوانى .. وسرقت لحظة من السنين
خدنى لبعيد ورجعت تانى .. ضحك وقاللى روحتى فين
كان لازم أهرب من سكاتى .. وقلت مش هاكدب عليك
أجمل مكان روحته فى حياتى .. هو البراح اللى فى عينيك
يا سلام يا سلام .. ده ولا الأحلام .. وحبيبى أوام غيرلى حالى
يا سلام يا سلام .. خد قلبى معاه .. وهعيش وياه طول الليالى
حسيت معاه بحاجات لأول مره قلبى يحسها
لحظة لقاه بسنين طويله قبل منه عشتها
يا سلام يا سلام .. ده ولا الأحلام .. وحبيبى أوام غيرلى حالى
يا سلام يا سلام .. خد قلبى معاه .. وهعيش وياه طول الليالى
يا سلام يا سلام .. خد قلبى معاه .. وهعيش وياه طول الليالى
أغانى أنغام، كلمات أغنية أجمل مكان، أغنية أجمل مكان، أحدث أغانى أنغام، أغنية قالى بحبك، قالى بحبك أنغام
ليست هناك تعليقات:
إرسال تعليق